बैलपोळा सणावर मंदीचं सावट?

 


कारी (दि२५)प्रतिनिधी

 तालुक्यात गेल्या दोन वर्षापासून पोळा सण रडत पडत झाला होता. परंतु यावर्षी मात्र काही अंशी बऱ्या प्रमाणात पोळा सण साजरा होईल अशी अपेक्षा गृहीत धरून व्यापारी बांधवांनी आपली दुकाने मोठ्या प्रमाणात मालाची साठवणूक करून थाटली आहेत . परंतु ग्राहक मात्र अद्यापही अपेक्षेप्रमाणे फिरकलेले दिसत नाहीत .

    गेल्या दोन वर्षात कोरोनाच्या महामारीमुळे सर्वच सणावर संकटाचे सावट होते. यामुळे कुठलेही सण साजरे झाले नाहीत. आता मात्र कोरोनाच सावट जवळपास संपुष्टात आल्यामुळे प्रत्येक सण प्रत्येक कुटुंबात आपापल्या ऐपतीप्रमाणे साजरा होत आहे.

      शुक्रवार दि26 ऑगस्ट 2022 रोजी पोळा सण साजरा होत आहे, पोळा सण म्हणजे शेतकऱ्यांसाठी मोठा महत्त्वाचा आणि ज्याच्या माध्यमातून काळ्या आईची सेवा केली जाते अश्या बैला प्रती कृतज्ञता व्यक्त करणारा हा सण आहे. गेल्या दोन वर्षाच्या तुलनेत अद्यापही शेतकऱ्यांच्या हातात उत्पन्न पडलेले नाही, पिके शेतात आहे , परंतु उत्पन्न मात्र हातात नाही,

       यातच हा पोळा सण आलेला आहे, या पोळा सणात ग्राहकाकडून चांगला प्रतिसाद मिळेल या अपेक्षेने प्रत्येक व्यापारी बांधवांनी मोठ्या प्रमाणात माल भरलेला आहे, ग्राहकांचं लक्ष आकर्षिले जाईल अशा प्रकारे मांडणी केलेली आहे, परंतु अद्यापही अपेक्षेप्रमाणे ग्राहक वर्ग बाजारपेठेत वर्दळ करताना दिसत नाही, म्हणजे अद्यापही कोरोनाच सावट संपुष्टात आलेला असले तरी पिक विमा किंवा इतर पीक कर्जासारखी रक्कम शेतकऱ्याच्या हातात मिळालेली नाही, यामुळे मोठ्या आनंदात शेतकरी बैलपोळा सण साजरा करेल असं वाटत नाही, शेवटी ज्याच्या मदतीने वर्षभर शेती केली जाते, त्या पशुना, जनावरांना बैलांना बैलपोळ्याच्या निमित्ताने सर्वतोपरी पारंपारिकता करावी लागणार आहे यात शंका नाही.

No comments:

Post a Comment