Wednesday, October 12, 2022

रोहयो मध्ये घोटाळा; पंचायत समितीचे सहाय्यक लेखाधिकारी निलंबित

 


उस्मानाबाद - तालुक्यातील खेड ग्रामपंचायत अंतर्गत झालेल्या शोष खड्ड्यांच्या कामात झालेल्या घोटाळ्यात पंचायत समितीचे सहाय्यक लेखाधिकारी आर.जे. लोध यांचे निलंबन करण्यात आले आहे. ज्यादाची अदाई केल्याचा ठपका त्यांच्यावर ठेवण्यात आला आहे.

रोहयोअंतर्गतच्या शोषखड्ड्यांच्या कामाबाबत झालेल्या तक्रारीनंतर पंचायत समितीकडून चौकशी करण्यात आली. चौकशीअंती लाखोंचा घोटाळा झाल्याची खळबळजनक बाब उघड झाली होती. हे प्रकरण एका गावाशी संबंधित असले तरी उस्मानाबाद तालुक्यात असे प्रकार घडल्याची शक्यता वर्तवण्यात येत आहे. त्या अनुषंगाने प्रशासन काय पावले उचलते याकडे सर्वांचे लक्ष लागले आहे.