दैनिक जनमत : प्रा.अलका सपकाळ भारतरत्न डॉ बाबासाहेब आंबेडकर एक्सलन्स ॲवॉर्ड ने सन्मानित

Sunday, November 27, 2022

प्रा.अलका सपकाळ भारतरत्न डॉ बाबासाहेब आंबेडकर एक्सलन्स ॲवॉर्ड ने सन्मानित

 


पाथरुड (प्रतिनिधी) प्रा. अलका सपकाळ यांना त्यांच्या शैक्षणिक सामाजिक आणि साहित्य क्षेत्रातील योगदानाबद्दल संविधान दिनाचे औचित्य साधून २६नोंव्हेबर रोजी दिल्ली येथील महाराष्ट्र सदनात केंद्रीय ग्रामविकास राज्यमंत्री ना.फगनसिंग कुल्तसे,  चरणजितसिंग आटवाल माजी उपसभापती लोकसभा यांच्या हस्ते भारतरत्न डॉ बाबासाहेब आंबेडकर एक्सलन्स ॲवॉर्ड ने सन्मानित करण्यात आले.

 या कार्यक्रमाचे मुख्य आयोजक सौ. नवनीत रवी राणा  डॉ. मनीष गवई हे आहेत या कार्यक्रमासाठी विविध क्षेत्रातील मान्यवर उपस्थितीत होते. कवयित्री अलका सपकाळ गेली दहा वर्ष शैक्षणिक सामाजिक क्षेत्रात कार्यरत आहेत .वाचन चळवळ, वयात येणार्या मुला मुलींचे समुपदेशन,निर्भया पथकाचे पाच वर्ष सातत्याने समुपदेशनाचे काम, त्यांच्या या कामाची दखल घेऊन विविध संस्थांचे यावर्षीचे पाच पुरस्कार त्यांना प्राप्त झाले आहेत .सातत्याने विविध माध्यमांसाठी लेखन ,बालसाहित्य निर्मिती केली आहे त्यांची चार पुस्तके प्रकाशित दोन प्रकाशनाच्या मार्गावर आहेत.त्यांच्या या यशाबद्दल सर्व स्तरातून कौतुक होत आहे.या पुरस्कार सोहळयास कॅप्टन अजितकुमार जगदाळे,प्रा.सपकाळ सर,अक्षता सपकाळ उपस्थित होते.