उस्मानाबाद - शहरात ७९१५० रुपयांचे हॅण्ड सॅनीटायझर जप्त करण्यात आले आहे. २० मार्च रोजी अन्न व औषध प्रशासनाने ही कारवाई केली.
कोरोनाच्या पार्श्वभूमीवर हॅण्ड सॅनीटायझर ला बाजारात खूप मोठी मागणी आहे. यात भेसळ होण्याची शक्यता अगोदरपासूनच वर्तवली जात होती. पालकमंत्री शंकरराव गडाख यांच्या पत्रकार परिषदेत पत्रकारांनी याबाबत प्रश्न विचारले होते. २० मार्च रोजी अन्न व औषध प्रशासनाने समता नगरमधील सिद्धांत मेडिकल मधील सॅनीटायझर पाहिले असता त्यात गडबड दिसून आली. या मेडिकल ला पुरवठा बार्शी येथून होतो. मात्र खरेदी केलेल्या पावत्या आणि उपलब्ध असलेले सॅनीटायझर यात तफावत होती.१०० मिली. आणि २५० मिली चे हे वेगवेगळे दोन नमुने आहेत.
दोन वेगवेगळ्या पॅकिंगच्या सॅनीटायझर चे नमुने मुंबई येथे तपासणीसाठी पाठवण्यात आले आहे.
