Thursday, February 24, 2022

युक्रेन मध्ये नातेवाईक अडकले असल्यास तहसिल कार्यालय किंवा जिल्हाधिकारी कार्यालयात संपर्क साधून माहिती कळविण्याचे आवाहन

  


उस्मानाबाद -

सद्यस्थितीत रशिया व युक्रेन या दोन देशांमध्ये तणावपूर्ण परिस्थिती निर्माण झाली असून रशिया या देशाने युक्रेन या देशाविरुद्ध युद्ध घोषित केले आहे. या परिस्थितीत उस्मानाबाद जिल्ह्यातील नागरिकांना आवाहन करण्यात येते की, उस्मानाबाद जिल्ह्यातील ज्या नागरिकांचे नातेवाईक युक्रेन या देशामध्ये अडकले आहेत अशा नागरिकांनी त्याबाबतची माहिती तात्काळ जवळच्या तहसिल कार्यालयात संपर्क करुन कळवावी किंवा जिल्हाधिकारी कार्यालयास आपत्ती व्यवस्थापन कक्ष क्रमांक (02472) 225618/227301 या क्रमांकावर संपर्क करुन कळवावी. जेणेकरून अडकलेल्या नागरिकांना सुखरुपपणे परत सुरक्षित ठिकाणी आणण्याबाबत कार्यवाही करता येईल

तसेच याबाबत केंद्रीय परराष्ट्र मंत्रालय, नवी दिल्ली येथे नागरिकांच्या माहितीसाठी व मदतीसाठी नियंत्रण कक्ष स्थापन केला असून तेथील हेल्पलाईन नंबर 1800118797 (टोल फ्री), +91-11-23012113, +91-11-23014104, +91-11-23017905 आहे व फॅक्स नंबर +91-11-23088124 हा आहे व तेथील ई-मेल आयडी situationroom@mea.gov.in हा आहे. उस्मानाबाद जिल्ह्यातील कोणी नागरिक युक्रेन या देशामध्ये अडकले असतील तर त्यांचे नातेवाईकांनी वरील नमूद क्रमांकावर संपर्क साधण्याचे आवाहन मा. जिल्हाधिकारी, उस्मानाबाद यांनी उस्मानाबाद जिल्ह्यातील सर्व नागरिकांना केले आहे.